Është mbajtur punëtori për përgatitjen e buxhetit me komunat Skenderaj dhe Drenas

06/09/2017 Institucionet

Organizuar nga Organizata për Siguri dhe Bashkëpunim në Evropë (OSCE) është mbajtur punëtori për përgatitjen e buxhetit për vitin 2018 me drejtorët e drejtorive të komunave të Skenderajt dhe të Drenasit. Në hapje të kësaj punëtori drejtorët e financave të dy komunave kanë prezantuar procedurat e ndjekura nga komunat përkatëse në lidhje me hartimin e buxhetit për vitin 2018. Drejtori për financa i komunës së Skenderajt Ismet Aliu ka deklaruar se komuna e Skenderajt ka ndjekur të gjithë hapat e paraparë me ligj në procesin e hartimit të buxhetit për vitin 2018. Ai po ashtu ka theksuar se gjatë procesit të hartimit të buxhetit, që ka filluar që nga prilli i këtij viti, janë marrë parasysh kërkesat e qytetarëve për projekte si dhe propozimet e tjera që kanë ardhur nga qytetarët gjatë realizimit të dëgjimeve buxhetore. Në kuadër të kësaj punëtorie janë shkëmbyer përvojat dhe praktikat e komunave gjatë procesit të hartimit të buxhetit për vitin 2018, më qëllim të shmangies së vështirësive në të ardhmen. Drejtorët komunalë edhe në këtë takim kanë insistuar në pavarësi më të madhe të komunave nga institucionet qendrore në hartimin e buxhetit.

Procesi i hartimit të buxhetit të komunës së Skenderajt tashmë është në fazën përfundimtare dhe pritet të miratohet në Kuvendin komunal në seancën e muajit shtator. Sipas parashikimeve buxheti i komunës së Skenderajt për vitin 2018 do të jetë 12 milionë e 622 mijë euro.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara