Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli nga Demokratët për një Ndryshim ka komentuar mundësinë e rivotimit me postë në rast se ankesa e Lëvizjes Vetëvendosje aprovohet nga Gjykata Supreme. Sipas Cakollit, procesi i rivotimit do të kërkonte deri në dy muaj për t’u realizuar, për shkak të procedurave administrative që do të ndiqen për dërgimin e fletëve të votimit dhe përqendrimin në këtë proces. Ai ka theksuar se është e vështirë që Gjykata Supreme të marrë një vendim ndryshe nga ai i Panelit për Ankesa dhe Parashtresa, pasi sipas tij, PZAP ka arsyetuar vendimin e tij në mënyrë të qartë dhe nuk ka pasur prova të mjaftueshme që do të justifikonin një anulim të procesit të zgjedhjeve. Cakolli shpjegoi se, nëse ankesa e LVV-së aprovohet, KQZ do të hapte një afat 30 ditor për votuesit që janë regjistruar për të votuar me postë, që do të kishte si pasojë administrimin e një procesi të gjatë dhe të ndërlikuar.
