Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli ka shpjeguar 10 hapat që duhet të ndodhin deri në konstituimin e Kuvendit, në seancën që presidentja Vjosa Osmani ka thirrur për 15 prill. Sipas Cakollit, kjo seancë nuk do të ketë fjalime ose debate, por do të jetë një procedurë e rëndësishme për formimin e institucioneve të reja pas zgjedhjeve të 9 shkurtit. Përgatitjet për këtë seancë i takojnë Glauk Konjufces, i cili duhet të thërrasë një takim me krerët e partive fituese pesë ditë para datës së caktuar. Një prej hapave kryesorë është verifikimi i kuorumit dhe mandateve nga Komisioni i Përkohshëm, i cili do të udhëhiqet nga një deputet i Lëvizjes Vetëvendosje. Seanca do të konsiderohet e përmbyllur vetëm pas zgjedhjes së Kryetarit dhe të gjithë nënkryetarëve, një proces që mund të shoqërohet me zvarritje, pasi nuk ka një afat të caktuar për mbylljen e tij. Po ashtu, Cakolli theksoi se në rast ndërprerje të seancës, pauza nuk mund të jetë më e gjatë se 48 orë.
