Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një prononcim për Radion-Kosova e Lirë dhe TV-Dielli, Sevdije Krasniqi, bashkëshortja e Jakup Krasniqit, i cili po mbahet i veçuar në një dhomë të shtëpisë së tij në Prishtinë nga policia e EULEXit ka deklaruar:
Sot rreth orës 6 të mëngjesit vajza, Gresa na lajmëroi se ishim te rrethuar nga pjesëtarë të policisë së EULEX-it. Është tejet shqetësuese dhe e papranueshme që ish zëdhënësi i UÇK-së të përgjigjet për luftën e pastër çlirimtare. Neve na janë shkelur të drejtat themelore të lirisë, ne nuk kemi të drejtë te dalim nga salloni, ku na kanë ngujuar nga ora 5 e gjysmë mëngjes. Komunikimin me Jakupin e kemi të ndaluar nga ora 6 ne jemi në një gjendje të rëndë. Deri tani vetëm një dhomë e kanë kontrolluar. Unë me tri vajzat jemi në sallon, ndërsa Jakupi me djalin Altinin janë në katin e dytë të shtëpisë. Është në prezencën e pjesëtarëve të Tribunalit të Hagës. Ne kërkuam një mandat nga ta por absolut nuk na kanë dhënë, asnjë sqarim ka thënë në fund të prononcimit Sevdije Krasniqi.
