Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
EULEX-i, për shkak të skadimit të mandatit, apo edhe për ndonjë arsye tjetër, e cila nuk po publikohet, nuk do të arrijë të përfundojë procesin e improvizuar gjyqësor kundër Azem Sylës, dhe 38 të akuzuarve të tjerë për krim të organizuar në rastin e quajtur “Toka”, për shkak se në qershor të këtij viti do t`i përfundojë mandati, kurse procesi gjyqësor nuk do të rifillojë për shumë kohë, pasi që është tërhequr njëra nga anëtaret e trupit gjykues. Burime të medieve të afërta dhe të besueshme të EULEX-it kanë bërë të ditur se Nora Bllaca është gjyqtarja vendore e tërhequr, pasi që tanimë është emëruar në Gjykatë të Apelit, duke e humbur të drejtën për të vazhduar pjesëmarrjen në këtë gjykim. EULEX-i i ka dërguar një letër Këshillit Gjyqësor të Kosovës dhe i ka kërkuar që t`i lejohet Nora Bllacës të marrë pjesë në gjykim, por kjo nuk do të ndodh.
