Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Numri i përdoruesve të drogës në Kosovë ka arritur në 40 mijë, me rreth 10 mijë prej tyre të klasifikuar si përdorues të rregullt ose të varur. Organizatat që merren me trajtimin e këtyre personave raportojnë se mbi pesë mijë qytetarë përdorin kokainë, një shifër shqetësuese sipas ekspertëve. Safet Blakaj nga Instituti “Labirint” thekson se marihuana është e shpërndarë gjerësisht në Kosovë dhe se numri i përdoruesve të kokainës është në rritje, veçanërisht midis të rinjve nën 25 vjeç. Në vitin 2024 janë konfiskuar 19 kilogramë heroinë, 992 gramë kokainë, 103 kilogramë marihuanë dhe rreth 25 bimë kanabis. Për këtë sasi droge janë arrestuar 209 persona. Këto shifra tregojnë një rritje shtatë fish të heroinës së konfiskuar krahasuar me vitin 2023, ndërsa kokaina e konfiskuar ka rënë ndjeshëm. Në vitin e kaluar, 859 persona u arrestuan për lidhje me drogën, duke treguar se ulja e shifrave të drogës së konfiskuar dhe të arrestimeve nuk pasqyron përmirësimin e situatës në terren, por vetëm statistikat e punës së Policisë së Kosovës.
