Fabrika e Ujit në Talinovc të Muhaxherëve ju bart Kompanisë Rajonale të Ujësjellësit “Bifurkacioni”

31/07/2024 Institucionet

Gjatë ditës së sotme është mbajtur mbledhja e Kuvendit të Komunës së Ferizajt e kryesuar nga kryesuesi Xhavit Zariqi, ndërkaq kanë marrë pjesë edhe drejtorët e drejtorive komunale. Në këtë mbledhje drejtoresha e financave Sebahate Ajeti-Sadiku para anëtarëve të KK-së ka prezantuar raportin financiar për periudhën janar-qershor të këtij vitit. Po ashtu është diskutuar edhe raporti i auditimit për pasqyrat financiare për vitin 2023. Me shumicë votash është aprovuar edhe Statuti unik i Qendrës Kryesore të Mjekësisë Familjare e adapotuar me specifikat e kësaj qendre, ku detaje për këtë statut ka dhënë drejtori i Shëndetësisë dhe Mirëqenies Sociale Dr. Kemajl Emini. Ndërsa drejtori i Drejtorisë së Zhvillimit Ekonomik dhe Turizmit Balton Dërguti, ka prezantuar edhe ndryshimet që janë bërë në Strategjinë për Zhvillimin Ekonomik Lokal të Komunës së Ferizajt për periudhën kohore 2024-2034. U diskutuan edhe disa propozim vendime për dhënien në shfrytëzim afatgjate të pjesëve te ngastrave 626-2 Z.K.Babush i Ri, propozim – vendim për shpalljen e  interesit të përgjithshëm të pjesës së ngastrës kadastrale; 2435-1 dhe 2435-2 Z.K.Ferizaj, pronë private, me qëllim të këmbimit pjesën e parcelës kadastrale 180-10 Z.K.Talinovc i Jerlive, pronë e Komunës së Ferizajt. Në këtë mbledhje drejtori i Drejtorisë së Arsimit Afrim Llabjani, ka bërë  propozim -vendimi paraprak për dhënien në shfrytëzim afatshkurtër të objekteve të institucioneve parashkollore – çerdheve, por në sallë nuk pati kuorum dhe ky diskutim u shty për ndonjë mbledhje tjetër. Në këtë mbledhje u diskutua propozim – vendimi për rishqyrtimin e vendimit me Nr. 01.Nr. 52 të datës 30.05.2024, por edhe propozim – vendimi për plotësimin dhe ndryshimin e vendimit Nr. 01.Nr.33 të datës 30.04.2024. Pika shtesë në këtë mbledhje  ishte edhe propozim – vendimin për hartimin e planit zhvillimor komunal 2025-2033 të Komunës së Ferizajt , propozim – vendim emërtimi i sheshit publik “Adem Demaçi”, si dhe propozim vendim për bartjen e asetit (Fabrikës se ujit) ne Talinoc te Muhaxherve, Kompanisë Rajonale te ujësjellësit “Bifurkacioni”.

Kontrolloni gjithashtu

Komuna e Vitisë me aktivitete të shumta shënoi luftën kundër kancerit të gjirit

Nën përkujdesjen e kryetarit të komunës së Vitisë, Sokol Haliti, dhe organizimin e Qendrës Kryesore …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara