Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Luftëtari i UÇK-së, Fadil Muçolli, në një intervistë për Radion Kosova e Lirë dhe Televizionin Dielli, edhe një herë iu ka bërë thirrje, Nuri Bexhetit dhe Gazmend Elshanit që t’ ia japin incizimin për të masakruarit e Masakrës së Paklekut, të cilën kanë kryer forcat kriminele serbe, më 17 prill të vitit 1999. Në atë masakër Fadil Muçollit, forcat kriminale serbe ia kanë ekzekutuar dy prindërit, katër motrat, bashkëshorten dhe katër fëmijët.
Fadili thotë se ai incizim, të cilin e kanë Nuri Bexheti e Gazmend Elshani, do tu shërbente organeve të drejtësisë, në mënyrë që ky gjenocid të argumentohet me incizimet e kohës.
Po ashtu luftëtari i lirisë, Fadil Muçolli në këtë intervistë ka bërë të ditur se është shkruar një libër për familjarët e tij që kanë pësuar fatalisht në atë masakër por askush nga familjarët e gjallë nuk është kontaktuar, as është konsultuar paraprakisht, me ç rast në libër kanë rezultuar shumë të pavërteta. Në atë libër, thotë z Fadil Muçolli, janë postuar fotografitë e fëmijëve të gjallë, ndërsa emrat e fëmijëve të vrarë e të masakruar.
Mos luani edhe më tej me ndjenjat tona, ka porositur ndër të tjera Fadil Muçolli.
Intervistën e plotë mund ta përcillni sonte, duke filluar në orën 21 e 30 në Radion Kosova e Lirë dhe në Televizionin Dielli.
