Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, me respekt, përkulemi para atyre që më të shtrenjtë se jetën patën lirinë!
Kush ishin ata?
Nuk ishin aktivistë të Lidhjes së Komunistëve të Jugosllavisë, e as patriot jugosllav! Nuk ishin familjarë që kishin alergji Shqipërinë! Nuk kishin etje të flisnin gjuhën e barbarëve!
Nuk ishin pjesëmarrës të zgjedhjeve, që i organizonte Millosheviqi, e as bartës të besuar të posteve nëpër institucionet e pushtuesit!
Nuk ishin njerëz, që donin pasuri duke shfrytëzuar të tjerët!
Atdhe i tyre ishte SHQIPËRIA! Më shumë se gjithëçka, edhe se jetën e tyre, e donin LIRINË!
Dëshmor Sejdi Sejdiu, një jetë në veprimtari atdhetare, i burgosur, i torturuar, i vrarë, por i pathyer!
Dëshmor Gursel Sylejmani, një jetë në shërbim të Atdheut, i burgosur, i torturuar, i vrarë, por i pathyer! Me një sinqeritet të pakufizuar, me një përkushtim të pakufizuar, botën e brendshme e shprehte piktura me kaltërsinë e LIRISË!
Dëshmor Bajram Sylejmani një jetë në shërbim të Atdheut! Inxhinieri i metalurgjisë, më shumë se metalurgjinë donte LIRINË!
Dëshmori Kemajl Hetemi pjesëmarrës i demonstratave të vitit 1988-90! Pjesëmarrës në varrimin e Dëshmor Halit Gecit dhe orientimin në Luftën Çlirimtare! Kemajli ra në kohën kur ju afrohej pozicioneve armike!
Dëshmori Bashkim Vishi nuk mbrojti pragun e shtëpisë, por donte ta mbronte Atdheun! Katër ditë luftime nuk e thyen moralin, sepse donte ta mbronte Kalanë e Jezercit!
Dëshmori Salih Baliu i biri i Jezercit, mbronte Jezercin!
Dëshmori Nazim Terziu donte që trupin e Bashkimit ta tërhiqte! Përkushtimi për bashkëluftëtarin dëshmor ishte më i madh se rreziku që e kërcënonte! Dhe, ra për të mos vdekur kurrë!
Dëshmori Arsim Zeqiri nga Hallaçi i Lipjanit i fali jetën bjeshkëve krenare të Jezercit, i fali jetën Lirisë!
Dëshmori Lulzim Guta 18 vjeçar, i fali jetën vendlindjes! Një i moshuar, paguan përkujdesje dhe terapi mjekësore, për të jetuar edhe ndonjë ditë, Lulzimi 60 – 70 vite jetë i fali Lirisë!
Të tillë ishin nëntë dëshmorët, të tillë ishin ai grusht ushtarësh, trima e trimëresha, të komanduar nga Komandant Ferri (Imri Ilazi), të cilët lanë gjurmë lavdie në histori, si EPOPEJA E JEZERCIT!
Ushtria Çlirimtare e Kosovës solli lirinë! Solli lirinë për të merituar atdhetarët dhe të pamerituarit tradhtarët! Solli mirëqenie, prosperitet, zhvillim, etj. E llumi i tradhtarëve, sot, është më i zëshëm, se sa zëri atdhetarëve! Llumi i tradhtarëve, lufton UÇK-në dhe gjitha vlerat atdhetare në gjithë Shqipërinë! Shih prononcimet e pushtetarëve kundër Ushtrisë Çlirimtare të Kosovës, kundër çlirimtarëve, kundër Edi Ramës kur ai flet për Kosovën, etj. Lufta solli lirinë, por nuk pastroi ndërgjegjet e sëmura të tradhtarëve, nuk e shkuli tradhtinë nga mendjet e çoroditura!
LAVDI USHTRISË ÇLIRIMTARE TË KOSOVËS!
LAVDI DËSHMORËVE!
RESPEKT ATDHETARËVE!
