Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përcjellja nga kjo botë e babait të Presidentit Hashim Thaçi, Baci Haxhi, me një ceremoni madhështore e meritore, me pjesëmarrje të mijëra qytetarëve nga mbarë trevat shqiptare, delegacioneve të nivelit të lartë të shtetit shqiptar dhe pjesëmarrësve tjerë, për t’i thënë lamtumirën e fundit njeriut që solli në jetë kreministrin historik të shpalljes së pavarësisë së Kosovës, thuhet në një postim në facebook të komunës së Skënderajt, nën patronatin e së cilës u organizuan aktivitetet e djeshme.
Pas përfundimit të ceremonisë së varrimit të të ndjerit Haxhi Thaçi, babait të ish-presidentit Hashim Thaçi, familja Thaçi i ka falënderuar të gjithë pjesëmarrësit në homazhet e sotme, mbledhjen komemorative dhe varrimin e kryefamiljarit të tyre.
“I falënderojmë të gjithë qytetarët për mbështetjen. I falënderojmë delegacionet nga Shqipëria, Maqedonia dhe gjitha trevat shqiptare për nderimet, si dhe institucionet e Kosovës për telegramet e ngushëllimit. Pjesëmarrja masive e qytetarëve, mbështetja e tyre duke na qëndruar afër këto ditë, na e zbut dhimbjen dhe na e bënë më të lehtë t’i kalojmë këto ditë të rënda”, ka thënë Idriz Thaçi, vëllai i presidentit, Hashim Thaçi.
