Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Familja Kelmendi, bëjnë të ditur për opinion dhe medie se do të organizojnë Homazhe në përkujtim të 4-vjetorit të vrasjes së Heroit të Kosovës, Qerim Kelmendi. Ky akt përkujtimor do të zhvillohet në Kompleksin e Dëshmorëve në Gllogjan të Deçanit, pranë varrit të të ndjerit, më datën 27 shkurt (e martë), në orën 11:30. Ne e shohim këtë si një moment të rëndësishëm për të nderuar jetën dhe sakrificën e Qerim Kelmendit dhe ju ftojmë të ndani këtë moment me ne. Në të njëjtën frymë, ne dëshirojmë të ngremë një çështje të rëndësishme për të cilën kërkojmë ndihmën tuaj. Ju bëjmë apel që të ushtroni ndikimin tuaj dhe të luani rolin tuaj vendimtar në nxitjen e Prokurorisë së Shtetit dhe institucioneve të tjera ligj-zbatuese për të vepruar me përgjegjësi dhe të sjellin drejtësi për vrasjen e vëllait tonë. Është jetike që media të mbajë gjallë interesin për çështje kaq të rëndësishme, duke kontribuar në zbardhjen e plotë të rrethanave dhe në arritjen e drejtësisë për viktimat dhe familjet e tyre. Përkushtimi juaj për një raportim të drejtë dhe të pavarur mund të jetë kyç në ndryshimin e dinamikës së kësaj çështjeje, duke rritur ndërgjegjësimin dhe duke i dhënë fund një periudhe të gjatë të pasigurisë për familjen tonë. Kjo betejë nuk është vetëm për drejtësinë e Qerim Kelmendit, por edhe për të mbrojtur vlerat e drejtësisë dhe pavarësisë në shoqërinë tonë, thuhet në njoftimin e familjes së Heroit të Kosovës, Qerim Kelmendi.
