Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Famir Limaj ka thënë se sipas numërimit të votave të rregullta, koalicioni që ai udhëheq, Nisma-AKR-PD, ka 5.5 për qind të votave. Pas rinumërimit të disa vendvotimeve me vota të rregullta, “koalicioni do të jetë pjesë e Kuvendit”. “Dua t’ju njoftoj se nga numërimi i deritashëm i votave të rregullta që po bëhet në QNR, Nisma-AKR-PD, ka 5.5 për qind të votave që do të thotë se koalicioni ynë do të jetë pjesë e Kuvendit me numërimin e votave të rregullta”, ka thënë ai. “Veprimet e sotme që votat e parregullta të procedohen e të numërohen është përpjekje për të deformuar vullnetin e qytetarëve. Votat e ardhura nga Serbia janë vota të parregullta, dhe si të tilla ato vota nuk duhet të procedohen. Janë në kundërshtim me ligjin veprimet e sotme. Apeli im është të mos procedohen votat e parregullta, të mos shkelet ligji sepse deformon procesin zgjedhor, deformon vullnetin e më shumë se 40 mijë njerëzve. Kërkoj nga KQZ urgjentisht të ndalojë këto veprime që përmes votave të parregullta të deformohet procesi zgjedhor”, ka thënë ai.
