Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Kuvendit të Kosovës, Fatmir Humolli, ka drejtuar kritika të ashpra ndaj pranisë së KFOR-it në Kosovë, duke argumentuar se në vend që të kontribuojë për paqen dhe stabilitetin, KFOR-i ka krijuar pengesa të reja, duke përfshirë edhe çështjen e urës së Ibrit, e cila ndan komunitetet shqiptare dhe serbe në Mitrovicë, është shndërruar në një problem politik të krijuar nga faktori ndërkombëtar. Ai akuzoi politikën proserbe brenda NATO-s dhe Bashkimit Evropian për mbajtjen pezull të situatës në Ballkan, duke mos qenë të interesuar për zgjidhjen e problemeve në rajon. KFOR-i kur ka ardhur me misionin e vet në Kosovë, misioni primar ka qenë paqja dhe lëvizja e lirë e qytetarëve. Dhe në këtë raport, ura kur është bërë pengesa e lëvizjes së lirë e qytetarëve, është bërë prej KFOR-it në kundërshtim me misionin që e ka pasur, tha Humolli.
