Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës-kryeministri i Kosovës, Fatmir Limaj, ka marrë pjesë në shënimin e 104-vjetorit të Betejës së Çanakalasë. Në shënimin e kësaj beteje, të hënën në Stadiumin e qytetit të Çanakkalsë është organizuar një ceremoni, ku mes tjerësh i pranishëm ishte edhe kryetari i Turqisë, Rexhep Taip Erdogan. I ftuar nga Kosova ishte edhe zëvendës- kryeministri Fatmir Limaj. Pas përfundimit të ceremonisë në stadium ka vazhduar pjesa e dytë e ceremonisë në Memorialin e dëshmoreve të Çanakalasë. Në 104-vjetorin e kësaj beteje janë vlerësuar lartë të gjithë të rënët nga vendet mike që luftuan përkrah Turqisë, e cila ballafaqohej për ekzistencë, meqë ishte sulmuar nga Aleanca më e fortë ushtarake botërore e kohës. Me këtë rast janë përkujtuar edhe pjesëmarrësit në këtë beteje nga trojet shqiptare. Pjesë e kësaj ceremonie ishin krerët më të lartë të shtetit turk dhe personalitete tjera të rëndësishme evropiane, por edhe nga trojet shqiptare. Lufta e Çanakalasë llogaritet ndër luftërat më të ashpra dhe më të përgjakshme në historinë e popujve.
