Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Nismës Socialdemokrate, Fatmir Matoshi, ka mohuar spekulimet se deputetët e partisë së tij mund të votojnë qeverinë e udhëhequr nga Lëvizja Vetëvendosje, pa qenë pjesë e koalicionit. Matoshi ka theksuar se do të ishte e palogjikshme dhe jo e besueshme të mbështesësh një qeveri të cilës nuk i beson dhe nuk je pjesë e saj. Ai shtoi se nuk ka asnjë logjikë që deputetët e Nismës të ofrojnë mbështetje për një qeveri të tillë. Megjithatë, ai nuk ka përjashtuar mundësinë e diskutimeve me Lëvizjen Vetëvendosje, duke thënë se ende nuk kanë marrë ftesë nga ta. Matoshi ka kritikuar gjithashtu partitë opozitare për ngadalësinë në procesin e bisedimeve për një qeveri alternative, duke theksuar se Nisma preferon një qeveri nga partitë që deri tani kanë qenë në opozitë, por që kërkon përshpejtim në arritjen e një marrëveshjeje për të siguruar shumicën e nevojshme.
