Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e shënimit të Ditës Kombëtare të Personave të Zhdukur, Fondi për të Drejtën Humanitare në Kosovë (FDH Kosovë), ka kërkuar nga Qeveria e Kosovës dhe institucionet përkatëse më shumë përkushtim në gjurmimin dhe gjetjen e mbetjeve mortore si dhe në identifikimin e mbetjeve mortore tashmë të gjetura. Përmes një komunikate për media, ky Fond thotë se edhe më herët ka bërë thirrje që tema e personave të zhdukur të futet lart në agjendën e bisedimeve në mes të Prishtinës dhe Beogradit në Bruksel. “Meqenëse ka një deficit të informacioneve mbi lokacionet e varrezave masive apo individuale dhe gjatë vitit të kaluar ka pasur një ngecje të theksuar në gjetjen e varrezave, presioni politik mbetet si mundësi që mund të sjell progres në këtë drejtim. Nuk ekziston asnjë argument i arsyeshëm i cili parandalon palët në dialog që të merren me zbardhjen e fatit të personave të zhdukur, meqenëse kjo çështje, së pari, duhet shikuar nga aspekti humanitar”, thuhet në komunikatën e Fondit për të Drejtën Humanitare.
