Federata e Volejbollit dhe Komuna e Malishevës përkrahin hapjen e shkollës së volejbollit

08/03/2018 Institucionet

Klubi i volejbollit “Malisheva”, së shpejti pritet të bëhet edhe me shkollën e volejbollit, pasi ky është edhe një prej standardeve dhe në të njëjtën kohë edhe projekt i Federatës së Volejbollit të Kosovës (FVK). Për këtë qëllim, kryetari i FVK-së, Abedin Ibrahimi me bashkëpunëtor, ka qëndruar në Malishevë, ku është takuar me Kryetarin e Komunës së Malishevës, Ragip Begaj, me të cilin kanë biseduar për përkrahjen që do ta ketë kjo shkollë. Kryetari i Komunës së Malishevës, Ragip Begaj, ka thënë se “Komuna e Malishevës”, në veçanti në katër vitet e fundit, e ka përkrahur sportin në masë të madhe, me qëllim të krijimit të kushteve sa më të mira për sportin në përgjithësi, përfshi edhe volejbollin, dhe brenda mundësive buxhetore do të përkrahet edhe hapja e kësaj shkolle, si dhe krijimi i kushteve më të mira dhe sipas standardeve evropiane të volejbollit, në mënyrë që klubi të ketë rezultate, por edhe të drejtë të garoj edhe në garat në nivel më lartë”. Ndërsa kryetari i FVK, Abedin Ibrahimi, tha se “federata e ka filluar këtë projekt me klubet e volejbollit, për hapjen e shkollave, me qëllim të përhapjes së sporti të volejbollit dhe rritjes së cilësisë, si dhe krijimin e kushteve, apo plotësimin e standardeve në fushat e volejbollit”. Sipas tij, ndihma e komunave, krahas përkrahjes që kanë nga Federata Evropiane e Volejbollit, është e domosdoshme dhe shumë e rëndësishme. Begaj e Ibrahimi, janë pajtuar që brenda mundësive buxhetore të komunës, të përkrahet hapja e shkollës së volejbollit, pasi Malisheva i ka të gjitha parakushtet për funksionimin e kësaj shkolle, por edhe për përgatitjen e volejbollistëve dhe fushave sportive, për zhvillimin e garave, sipas standardeve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara