Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Ferat Shala, ia ka kujtuar kryeministrit, Albin Kurti se e ka në dorë pushtetin absolut për të vepruar edhe sa i përket energjetikës dhe duhet ta lërë anash retorikën boshe për 20 vitet e kaluara. Dihet se kryeministri Kurti nuk ka vepruar me kohë ndaj krizës së paralajmëruar energjetike. Kryeministri ka pushtetin absolut, edhe rregullatorët e pavarur i ka nën menaxhimin e tij. I ka kërkuar këto dhe ia keni dhënë, iu ka premtuar, i keni besuar, por sot ku jemi? Askund nuk jemi me premtimet që ka dhënë! Vendi ynë është gjysmë i izoluar, me ekonomi të stopuar, asnjë lopatë inaugurimi nuk shihet askund në Kosovë. Asnjë projekt i ri as i vjetër. Kryeministri na sjell retorikën mbi 20-vjeçare boshe për të kaluarën. Ju duhet të jeni këtu për të ardhmen, për zhvillimet, për të menaxhuar situatën politike, pandemike, energjinë, për të ulur inflacionin e jo për të mbajtur vetëm fjalime retorike, ka dhënë deputeti, Ferat Shala.
