Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Ferat Shala, ka kritikuar ashpër Qeverinë e Kosovës për, sipas tij, dështimet në menaxhimin e çështjeve mjedisore. Duke u bazuar në Raportin e Progresit për vitin 2023, Shala ka theksuar se përveç ndotjes së diskursit politik, qeveria aktuale ka kontribuar edhe në degradimin mjedisor. Në një postim në Facebook, Shala vuri në dukje se raporti thekson disa dështime kyçe të qeverisë, si mungesa e vlerësimeve të duhura mjedisore në procesin e dhënies së lejeve për ndërtimin e hidrocentraleve, mos parandalimi i ndërtimeve në zonat e mbrojtura dhe menaxhimi joefektiv i ndotjes industriale. Ai e cilësoi këtë situatë si një realitet të trishtë dhe një dështim që vjen si pasojë e mungesës së përkushtimit të qeverisë për të mbrojtur mjedisin dhe zhvillimin e qëndrueshëm.
