Ferizaj së shpejti digjitalizon arkivin komunal

15/04/2019 Institucionet

Viti 2019 po vijon me dinamikë të lartë të aktivitetit institucional nga Komuna e Ferizajt, në dobi të realizimit të projekteve të ndryshme zhvillimore. I fundit i kësaj natyre është edhe projekti me kosto prej afro 200,000 euro për digjitalizimin e arkivit komunal. Për këtë, Kryetari i Komunës së Ferizajt, Agim Aliu i shoqëruar nga zëvendësministri i Financave, Mustafa Grainca dhe shefi i Kabinetit të Kryetarit të Komunës së Ferizajt, Selim Marevci, u pritën nga ministri i Ministrisë së Zhvillimit Rajonal, Rasim Demiri. Në këtë takim, i pari i Ferizajt, Agim Aliu njoftoi ministrin Demiri për pakon e masave që ka ndërmarr qeverisja lokale në mbrojtje dhe sistematizim të arkivit komunal e që me këtë projekt për të cilin u nënshkrua memorandumi i bashkëpunimit e financimit, Ferizaj përfundimisht do të jetë model për qendrat tjera në ruajtjen dhe shërbimin me arkivin komunal. Ministri Demiri tha se Ferizaj paraqet një nga qendrat ku ky projekt do të gjej zbatueshmëri, modelin e së cilës varësisht nga fondet qeveritare do ta implementojnë edhe në qendrat tjera. Ky projekt që përfundimisht i jep zgjidhjen meritore sfidave me arkivin komunal do të filloj së zbatuari së shpejti, duke qenë në funksion edhe të përmbushjes së njërës nga pikat kryesore të platformës qeverisëse të Kryetarit Aliu, atë të digjitalizimit të shërbimeve dhe administratës komunale.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara