Filloi asfaltimi i rrugës në lagjen e Hotëve në Malishevë

20/06/2016 Institucionet

Në kuadër të asfaltimit të rrugëve dhe rregullimit të infrastrukturës së përgjithshme në qytetin e Malishevës, sot ka hyrë në fazën finale rruga në lagjen e Hotëve. Pas zgjerimit dhe rregullimit të bazës, sot ka filluar asfaltimi i kësaj rruge. Asfaltimin e rrugës e kanë përcjellë nga afër, i pari i Malishevës, Ragip Begaj, së bashku me drejtorin e urbanizmit Ahmet Morina dhe atë të administratës, Hajrullah Mazreku.

Me këtë rast, kryetari Begaj i ka uruara banorët e kësaj lagjeje, përkatësisht të atyre që jetojnë përgjatë kësaj rruge, dhe tha se “janë të përkushtuar në rregullimin e përgjithshëm, të infrastrukturës në tërë territorin e Komunës së Malishevës, ndërsa qyteti, dot të vazhdoj të ketë vëmendje të veçantë”.

Drejtori i urbanizmit Ahmet Morina, tha se “kjo rrugë, përveç rëndësisë që ka për vet banorët e kësaj lagjeje, është edhe një lloj mini  transiti, pasi një pjesë e madhe e ngasësve të veturave, nuk kanë nevojë të hyjnë nëpër qytet, por mund ta shfrytëzojnë këtë rrugë”.

Rruga në lagjen e Hotëve, fillon nga hyrja në qytet, përkatësisht rruga Malishevë-Prishtinë, në pjesë veriore dhe lidhet me pjesë perëndimore, apo në rrugën Malishevë-Kijevë-Pejë, prandaj edhe shërben si transit për ngasësit e veturave, që lëvizin në këto dy rrugë, në mënyrë që ti ikin tollovisë në qytet, sidomos gjatë sezonit të verës, kur rrugët janë tejet të ngarkuara.

Kontrolloni gjithashtu

Arnitë Kastrati, fituese e “Çmimit të Orkestrës” në edicionin e dytë të Festivalit të Këngës të RTK-së

Kryetari i Komunës së Malishevës Ekrem Kastrati bashkë me Drejtoreshën komunale të Arsimit, znj. Arbëreshë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara