Filloi fushata e spërkatjes së zonave endemike në Malishevë

22/05/2017 Institucionet

Të hënën në Komunën e Malishevës, përkatësisht në fshatin Senik ka filluar realizimi i fushatës për dezinsektimin e zonave endemike, kundër rriqrave, si masë parandaluese në kuadër të zbatimit të strategjisë nacionale, për luftimin dhe parandalimin e etheve hemorragjike krime kongo (EHKK). Fushatën e spërkatjes së zonave endemike, e ka parë nga afër edhe shtabi komunal, për luftimin dhe parandalimin e EHKK. Këtë fushatë, e kanë parë nga afër, anëtarët e shtabit komunal, nënkryetari i komunës, Rexhep Mazreku, drejtori i shëndetësisë, Hajdin Berisha, ai për mbrojtje dhe shpëtim, Sejdi Paçarizi dhe drejtori i bujqësisë, Murat Hoxha. Me këtë rast, nënkryetari Mazreku, ka kërkuar që qytetarët të jenë bashkëpunues gjatë kësaj fushate, pasi qëllimi i Komunës së Malishevës dhe të gjitha organeve tjera, është parandalimi i infektimit me virusin e etheve hemorragjike. “Falë këtij angazhimi të vazhdueshëm, tri vite i kemi kaluar pa raste të vdekjeve nga ky virus, prandaj, kërkoj që të jeni bashkëpunues dhe ti ndihmoni organet përgjegjëse, në mënyrë që këto fushata, përmes së cilave po e luftojmë këtë sëmundje, të kenë sukses sikur tri vitet e kaluara dhe të mos kemi më raste të vdekjeve”, tha Mazreku, i cili edhe ju dha mbështetje të gjithë atyre që janë të angazhuar në këto fushata. Drejtori për shëndetësi, Hajdin Berisha, tha se situata është nën kontroll dhe pavarësisht rasteve të thumbimeve, nuk kemi raste të infektuara me virusin e EHKK. “Edhe rastet e thumbimeve janë më të pakta këtë vit, së paku deri në këtë periudhë, ndërsa komuna është e përkushtuar në luftimin dhe parandalimin e EHKK. Edhe kjo fushatë e dezinsektimit kundër rriqrave, financohet nga buxheti komunal i Malishevës, që tregon më së miri përkushtimin tonë, në mbrojtjen e jetës së njerëzve”, tha mes tjerash drejtori Berisha.

Vlen të theksohet se në Komunën e Malishevës, që nga pas lufta, kanë vdekur 18 persona si pasojë e infektimit me virusin e EHKK, ndërsa në tri vitet e fundit, nuk kemi asnjë rast të infektuar.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara