Filloi hapja dhe rregullimi i rrugës që lidh Burimin dhe Gurbardhin

15/05/2017 Institucionet

Në kuadër të realizimit të projekteve kapitale dhe rregullimit të infrastrukturës rrugore, me qëllim të krijimit të kushteve më të mira për të gjithë banorët e Komunës së Malishevës, e në veçanti për lidhjen e fshatrave përmes rrugëve të asfaltuara, ka filluar edhe hapja dhe rregullimi i rrugës, që lidhë fshatin Burim dhe Gurbardh.

Këtë rrugë, e ka inspektuar drejtori i Drejtorisë së Urbanizimit, Ahmet Morina, i cili ka parë nga afër punimet që janë duke u kryer në këtë rrugë dhe rrugët brenda fshatit Burim. “Në kuadër të realizimit të projekteve kapitale, po bëhet hapja dhe rregullimi i  kësaj rruge, deri në asfaltimin e saj, pasi banorët e Burimit kanë pasur nevojë për këtë lidhje, me rrugën e Gurbardhit, por edhe me rrugën kryesore që i lidh këto fshatra me qendrën komunale”, tha Morina.

Drejtori Morina, po ashtu ka treguar se në Burim, do të rregullohen rreth një kilometër rrugë, ku përveç rrugës që e lidh këtë pjesë të fshatit me rrugën kryesore, do të rregullohen edhe rrugët në dy lagje tjera të fshatit.

Kontrolloni gjithashtu

Finalizohet draft-ligji për Lojërat Mesdhetare “Prishtina 2030”

Kryetari i Komunës së Prishtinës, z. Përparim Rama ka njoftuar përmes faqes së tij në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara