Filloi puna për ndryshimin dhe plotësimin e Statutit të Komunës së Malishevës

12/10/2022 Institucionet

Pas vendimit të Kuvendit të Komunës për ndryshimin dhe plotësimin e statutit të Komunës së Malishevës, sot është mbajtur mbledhja e parë e komisionit të formuar për hartimin e draftit të statutit të ri. Mbledhja është drejtuar nga kryesuesi i KK të Malishevës, z.Argjend Thaçi. Në këtë mbledhje, nënkryetari i Komunës së Malishevës, Vesel Krasniqi, anëtar i komisionit, në fjalën e tij, ndër të tjera tha se “Komuna e Malishevës, punon ende me Statutin e vitit 2008, prandaj zhvillimet si në ligje dhe në akte normative tjera kanë ndryshuar, ashtu edhe zbatimi ende i këtij Statuti, po na paraqet vështirësi në nxjerrjen e shumë vendimeve dhe kryerjen e punëve, kështu që nisma për ndryshimin dhe plotësimin e aktit më të lartë të Komunës së Malishevës, do të ndihmonte shumë, jo vetëm ekzekutivin, kuvendin por edhe drejtoritë e sektorët tjerë si dhe vet qytetarët e grupet e interesit në Komunën e Malishevës”, i cili po ashtu kërkoi bashkërendim të  punëve në vazhdim mes anëtarëve të komisionit. Në këtë Komision janë të përfshirë të gjitha subjektet politike që janë pjesë e Kuvendit të Komunës së Malishevës, ekzekutivi dhe shoqëria civile. Ky komision do të vazhdoj punën e tij, deri në hartimin e draftit të statutit dhe më të vazhdohet me konsultime-debate publike, deri në finalizim.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara