Filloi rregullimi i të gjitha rrugëve në Dragobil të Malishevës

24/08/2016 Institucionet

Në kuadër të implementimit të projekteve kapitale dhe rregullimin e infrastrukturës rrugore, në të gjitha vendbanimet e Komunës së Malishevës, sot kanë filluar punimet në rregullimin e të gjitha rrugëve dhe rrugicave në fshatin Dragobil. Fillimin e punimeve e kanë parë nga afër edhe nënkryetari i Komunës së Malishevës, Rexhep Mazreku, dhe drejtori i urbanizimit Ahmet Morina, të cilët edhe i kanë uruar banorët për rregullimin e rrugëve.

“I uroj të gjithë banorët e Dragobilit, për rregullimin e rrugëve në fshat”, tha nënkryetari Mazreku, sipas të cilit, këto investime, janë duke u bërë në kuadër të përpjekjeve të komunës, për rregullimin e infrastrukturës së përgjithshme, në të gjitha vendbanimet.

Ndërsa drejtori i urbanizimit Ahmet Morina, tha se janë duke u rregulluar të gjitha rrugët dhe rrugicat në Dragobil. Drejtori Morina, bëri të ditur, se krahas rrugëve dhe rrugicave brenda fshatit, do të rregullohet edhe rruga që lidhë një pjesë të lagjes Pallanka, me qytetin e Malishevës. “Sot ka filluar rrafshimi i rrugëve dhe përgatitja për asfaltimin e këtyre rrugëve dhe besoj brenda pak ditëve, të gjitha rrugët në Dragobil, përfshi edhe lagjen Pallanka, do të asfaltohen dhe përmes kësaj, banorët e Dragobilit, do të kenë lehtësi në lëvizjen e tyre, pasi infrastruktura rrugore, në tërësi po rregullohet”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara