Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Skenderajt, Bekim Jashari dhe Drejtoresha e Urbanizimit dhe Mbrojtjes së Ambientit, Sanije Ahmeti kanë inspektuar fillimin e punimeve të realizimit të projektit infrastrukturor, përkatësisht asfaltimin e rrugës Açarevë – Plluzhinë.
Me realizimin e këtij projekti po përmbushet premtimi i kryetarit Jashari, për investime në rrugë në fshatrat e komunës së Skenderajt.
“Një premtim dhe konstatim i asaj që e kemi thënë, se investimet kapitale dhe të mirat që ofrohen nga Komuna e të gjithë qytetarëve që jetojnë në të, do të shtrihen gjithandej, madje edhe në zona të thella, të lëna në harresë, siç është fshati Açarevë, një vend si ky që e lidh historia me luftën e lavdishme çlirimtare”, ka thënë kryetari Jashari.
Janë 3,200 metra gjatësi e rrugës nga Açareva deri në Plluzhinë, që janë planifikuar vitin e kaluar, e të cilat kanë filluar të asfaltohen, për të gjithë qytetarët e lagjeve dhe këtyre fshatrave, për të lehtësuar jetën e tyre dhe qarkullim të ndjeshëm.
Komuna e Skenderajt po vazhdon me angazhime pa pushim, të rregullojë infrastrukturën rrugore në gjithë territorin e komunës me qëllim që të rritet cilësia e jetës së qytetarëve tanë, tha kryetari Jashari duke paralajmëruar qytetarët edhe për fillimin e punimeve të një projekti tjetër.
