Fillon punën shërbimi i gjinekologjisë në QKMF-në e Vitisë

01/09/2020 Institucionet

Në kuadër të Qendrës Kryesore të Mjekësisë Familjare në Viti, që nga sot ka filluar punën shërbimi i gjinekologjisë. Kryetari i Komunës së Vitisë Sokol Haliti, ka uruar QKMF-në për fillimin e punës në Repartin e Gjinekologjisë, duke u shprehur i kënaqur që me këtë shërbim do të jemi më afër qytetareve vitias, shërbim ky që do të ju ofroj shërbime cilësore gjinekologjike, por njëherit do të jetë lehtësim për qytetaret, pasi për këtë shërbim nuk do të kenë nevojë për të kërkuar asistencën në Gjilan apo Ferizaj. Ky ka qenë një synim yni që sa më shpejt këtë shërbim të ua ofrojmë qytetareve tona, ka thënë kryetari Haliti. Ndërsa, drejtoresha e QKMF-së në Viti dr.Vjollca Kadolli-Halili duke i uruar suksese dr.Lumnije Byqmeti -Berishës në punë, potencoi që në vazhdimësi po mundohen të rrisin cilësinë e shërbimeve shëndetësore, duke u munduar që të jenë me çdo shërbim afër qytetarëve në përgjithësi. “Ky shërbim ka disa vite që na ka munguar dhe ne do mundohemi ta aktivizojmë me kapacitet të plotë, pasiqë ka qenë kërkesë e qytetareve vitiase në vazhdimësi dhe synim yni ta realizojmë. Ne kemi bërë edhe renovimin e repartit, duke ofruar kushte më të mira për shërbimin e gjinekologjisë”,tha drejtoresha Kadolli. Fillimin e punës në repartil e ka mirëpritur dhe përgëzuar edhe Drejtoresha e Shëndetësisë në Viti znj.Hanife Januzi. Përndryshe gjinekologia dr.Lumnije Byqmeti -Berisha, e cila ka marrë specializmin nga QKMF -Viti nga sot i është kthyer punës si Gjinekologe, ku këtë shërbim do ta ofroj çdo ditë pune prej orës 8.00-15.00.

Kontrolloni gjithashtu

12 biznese të reja (START UP) marrin përkrahje konkrete nga buxheti i Komunës së Rahovecit

Përmes Drejtorisë për Ekonomi, Zhvillim dhe Turizëm të Komunës së Rahovecit dhe sipas kritereve të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara