Filluan punimet në rrugën Rahovec – Hamoc – Fortesë

08/08/2019 Institucionet

 

Kryetari i Komunës së Rahovecit, Smajl Latifi me bashkëpunëtorë, bashkë me Zëvendësministrin e Infrastrukturës dhe Transportit, Rexhep Kadriu, kanë përuruar fillimin e punimeve në rrugën Rahovec-Hamoc- Fortesë. Rruga Rahovec – Hamoc – Fortesë ka gjatësi 10 kilometra e 100 m, dhe do të realizohet me mbështetjen financiare të Ministrisë së Infrastrukturës dhe Transportit. Kryetari i Komunës së Rahovecit, Smajl Latifi, falënderoi zëvendësministrin Kadriu dhe ministrin Lekaj për mbështetjen e vazhdueshme dhe të parezervë dhënë komunës së Rahovecit, për trajtimin e një rruge me interes jetik për bujqit e Rahovecit. Punimet do të realizohen me ritëm të përshpejtuar. Ndërsa, Zëvendësministri i Ministrisë së Infrastrukturës dhe Transportit, Rexhep Kadriu duke u deklaruar për këtë projekt tha se po fillojmë një projekt shumë të rëndësishëm jo vetëm për qarkullimin e qytetarëve por edhe të 1000 bujqve që të kenë qasje më të lehtë bujqësore. Po ashtu, falënderoi Kryetarin e Komunës së Rahovecit, Smajl Latifi që është insistues në kryerjen e detyrave në mënyrë efikase.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara