leoni

Flakadanët e pashuar, Skënder Rexhepi dhe Fitim Duraku

22/01/2025 Institucionet

Në 26-vjetorin e rënies, u përkujtuan dëshmorët Skënder Rexhepi dhe Fitim Duraku, heronj të kombit që u flijuan për lirinë e vendit. Kryetari i komunës së Rahovecit, z. Smajl Latifi, së bashku me bashkëpunëtorë, familjarë të dëshmorëve, bashkëluftëtarë, Organizatën e Veteranëve të Luftës të UÇK-së dhe qytetarë, nderuan veprën dhe jetën e tyre.

“Skënder Rexhepi, i njohur si Komandant “Hekuri” dhe Fitim Duraku, i njohur për përkushtimin e tij në luftën e Ushtrisë Çlirimtare të Kosovës, bashkë me Xhavit Elshanin – Leopardin dhe Mustafë Bajraktarin, e nisën misionin e tyre më 21 janar 1999, duke u përballur kokë më kokë me armikun serb, gjë që çoi në rënien e Skënderit dhe plagosjen e Fitimit, i cili nga plagët e marra vdiq në fillim të prillit, si dhe plagosjen e Leopardit dhe Mustafës, të dy të ndjerë, të cilët jetuan për ta parë Kosovën të lirë. Ata, me angazhimin e tyre të madh për liri, lanë pas një trashëgimi të madhe atdhetarizmi.”- u shpreh kryetari Latifi.

Qoftë i përjetshëm kujtimi për Skënder Rexhepin dhe Fitim Durakun!

Kontrolloni gjithashtu

Haliti: Sot, më shumë se çdo ditë tjetër, përulemi me nderim para emrit të pavdekshëm të Dr. Ibrahim Rugovës

Kryetari i komunës së Vitisë, z. Sokol Haliti përmes një postimi në facebook në 19-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara