Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fondi Monetar Ndërkombëtar i ka vënë kushtin kryesor Qeverisë së Kosovës që të gjejë një zgjidhje sa më të shpejtë të pagesës për veteranët, përndryshe Kosova rrezikon të mos i marrë 100 milionë euro, që i takojnë me marrëveshjen Stand By. Zyrtarë të këtij fondi kanë bërë të ditur se do të nisin konsultimet me Qeverinë, Parlamentin dhe shoqatën e veteranëve të luftës, me qëllim për t’ua sqaruar se ligji aktual rrezikon shumë të ardhmen ekonomike të vendit. Sipas vlerësimeve të FMN-së, nëse mbetet i njëjti ligj, Kosova do t’i shpenzojë 2 miliardë euro për 20 vitet e ardhshme, duke i paguar veteranët. Edhe ministri i Financave, Avdullah Hoti, ka deklaruar se pritet fillimi i procesit të ndryshimit të këtij ligji. Në këtë konferencë, FMN-ja ka lëvduar masat e ndërmarra nga institucionet në një numër sektorësh, ndërsa ka kërkuar nga BQK-ja që të nisë sa më herët marrjen e masave për ndryshimin e ligjit për kompanitë e sigurimeve.
