Fondacioni Kosovë-Luksemburg ndanë bursa për nxënësit e klasave të X-ta të Komunës së Kaçanikut

20/11/2017 Institucionet

43 nxënës të klasave të X-ta nga Komuna e Kaçanikut, kanë përfituar bursa shkollore nga Fondacioni Kosovë-Luksemburg (FKL) me përkrahje të Komunës së Kaçanikut.

Drejtori për Arsim dhe Kulturë Enver Kamishi, falënderoi fondacionin për përkrahjen e vazhdueshme që i ka dhënë Komunës së Kaçanikut në veçanti sektorit të arsimit, ku përmendi përkrahjen financiare nga kjo organizatë në ndërtimin e aneksit shkollor në fshatin Stagovë, si dhe shumë investime të tjera. Nga ana tjetër Fisnik Beqiri drejtor i FKL-së, vlerësoi bashkëpunimin e sinqertë të Komunës së Kaçanikut me këtë fondacion, ndërsa shtoi se falë punës, angazhimit dhe insistimit të drejtorisë së arsimit nxënësit tashmë po bëhen përfitues të këtyre bursave. Sipas tij projekti në fjalë, ka për qëllim parandalimin e braktisjes së mësimit nga nxënësit e shkollës së mesme. Nxënësit do të përfitojnë bursën çdo muaj, deri në fund të vitit shkollor me mundësi vazhdimi. Edhe nxënësit dhe prindërit e tyre, u shprehën të kënaqur me këtë projekt, duke shtuar se një projekt i tillë do të ju ndihmoj sado pak në krijimin e lehtësirave financiare familjare. Përfitues të bursave janë nxënësit me sukses të mirë, rastet sociale si dhe nxënësit nga zonat e thella rurale.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara