Fondacioni Labinot Tahiri donacion 2 aparate për oksigjeno-koncentrat

12/12/2020 Institucionet

Kryetari i Komunës së Hanit të Elezit Rufki Suma priti në takim Labinot Tahirin udhëheqës i Fondacionit Labinot Tahiri. Edhe kësaj here Tahiri dëshmoi përkushtimin e tij për të ndihmuar komunën e Hanit të Elezit. Ai kësaj radhe dhuroi donacion 2 aparate për oksigjeno-koncentrat, që në këto rrethana të jashtëzakonshme me situatën e krijuar nga pandemia COVID-19 janë tejet të mirëseardhura. Kryetari Suma dhe Labinot Tahiri së bashku vizituan QKMF “Dr.Menduh Kaloshi”, duke parë për së afërmi kapacitetet e këtij institucioni shëndetësor, situatën e krijuar nga pandemia COVID-19, vështirësitë dhe rreziqet gjatë menaxhimit të pandemisë në komunën e Hanit të Elezit. Gjatë kësaj vizite ai e dorëzoi donacionin 2 aparat oksigjeno-koncentrat të cilat i plotësojnë nevojat dhe kërkesat për pacientët e sidomos te rastet me Covid-19. Me këtë rast Kryetari i Komunës së Hanit të Elezit Rufki Suma, në emrin e tij personal dhe të banorëve të komunës së Hanit të Elezit e falënderoi Tahirin për humanitetin e treguar gjithandej Kosovës, e në veçanti për ndihmën e dhënë komunës së Hanit të Elezit. Ndërsa Medina Imishti, Drejtoreshë e DHSMS-së në emër të stafit të Qendrës Kryesore të Mjekësisë Familjare “Dr. Menduh Kaloshi” dhe të gjithë atyre që marrin shërbime nga kjo qendër u shpreh tejet mirënjohëse për humanitetin e Labinot Tahirit dhe falënderuese për secilin që ndihmon dhe bashkëpunon me personelin shëndetësore në këtë periudhë të vështirë pandemie.

Kontrolloni gjithashtu

Në Ferizaj certifikohen mbi 100 biznese të komunitetit pakicë

Drejtoria e Zhvillimit Ekonomik dhe Turizmit të Komunës së Ferizajt gjatë ditës së sotme ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara