Fondacioni “Labinot Tahiri” me ndihma të reja për Vitinë

30/03/2020 Institucionet

Fondacioni Humanitar “Labinot Tahiri” i udhëhequr nga ish-deputeti i Kuvendit të Kosovës dhe artisti i njohur, Labinot Tahiri, ka sjellë ndihma të reja për Komunën e Vitisë. Ndihmat përfshijnë 300 pako ushqimore dhe higjienike si dhe një sasi të maskave mbrojtëse, krejt në vlerë mbi 7500 euro. Kryetari i Komunës së Vitisë, Sokol Haliti tha se duke e ditur që Vitia është vatra e parë e prekur nga Virusi Korona dhe po vazhdon të jetë e izoluar, ky donacion është me shumë vlerë. “I jemi shumë mirënjohës Labit, sepse nevojat janë të vazhdueshme, sidomos për shtresën me status më të rënduar social”, ka thënë Haliti. Nga ana e tij, Labiniot Tahiri, ka thënë se prej paraqitjes së gjendjes së re, ka qenë i gatshëm të ndihmojë edhe Komunën e Vitisë. “Unë nuk kam hezituar fare të bashkëpunojë me kryetarin Sokol Haliti, i cili më ka mahnitur me angazhimin e tij 24 orë për menaxhimin e situatës”, ka thënë Labinot Tahiri. Ai ka premtuar se mbështetjen për Vitinë do ta vazhdojë edhe më tutje. Fondacioni Humanitar “Labinot Tahiri” edhe ditë më parë ka sjellë në Viti një sasi të maskave mbrojtëse.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara