Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qendra Kosovare për Studime të Sigurisë ka publikuar hulumtimin e edicionit të nëntë të barometrit kosovar të sigurisë sipas të cilit Forca e Sigurisë së Kosovës edhe këtë vit ka dalë institucioni më i besueshëm i sigurisë. Në bazë të këtij hulumtimi, 81 për qind e qytetarëve që janë anketuar kanë thënë se FSK-ja është institucioni më i besueshëm. Edicioni i nëntë i Barometrit kosovar të sigurisë përbëhet nga dy kapituj. Derisa në kapitullin e parë flitet për perceptimet e qytetarëve lidhur me besueshmërinë në institucionet e sigurisë, drejtësisë, si dhe në institucione të nivelit qendror dhe lokal; kapitulli i dytë interpreton perceptimet e qytetarëve lidhur me korrupsionin në këto institucione. Po ashtu, sipas këtij barometri, Forca e Sigurisë së Kosovës, shihet si institucioni më së paku i korruptuar në nivel të Kosovës. Ky rezultat padyshim është pasqyrim i aktiviteteve dhe punës me përkushtim të lartë në realizimin e detyrave të planifikuara nga Ministria e Mbrojtjes dhe Forca e Sigurisë së Kosovës
