Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtoresha e Bibliotekës “Hivzi Sylejmani” në Prishtinë, poetesha Naime Beqiraj, ka kënaqësinë të njoftojë të gjithë dashamirësit e poezisë dhe kulturës për një ngjarje të veçantë kulturore që do të zhvillohet në qytetin e Pejës, ditën e hënë, me datë 4 nëntor 2024, ora 13:00
Biblioteka e qytetit, që mban emrin e poetit të shquar Azem Shkreli, do të mirëpresë poeteshën Naime Beqiraj, e cila për herë të parë do të prezantojë poezitë e saj në këtë vend simbolik. Në këtë ditë të rëndësishme për artin dhe kulturën tonë, Naime Beqiraj do të ndajë me publikun mendimet dhe frymëzimin pas vargjeve të saj, duke ofruar një këndvështrim të veçantë mbi krijimtarinë e saj poetike.
Në këtë takim të ngrohtë dhe plot dashuri për artin, Beqiraj fton të gjithë miqtë, ish-studentët, familjarët dhe çdo adhurues të poezisë të bashkohen dhe të ndajnë këtë çast frymëzues.
