Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prej ditësh në rrjetet sociale është përhapur një dezinformatë ku gjoja zvicerani i natyralizuar, Xherdan Shaqiri ka hedhur akuza të rënda në drejtim të Federatës së Fubtollit të Shqipërisë. Në këtë shkrim thuhet se gjoja Xherdan Shaqirit i janë kërkuar shuma marramendëse në këmbim të një vendi në kombëtare. Ky shkrim i paverifikuar, që ngjan të jetë i falsifikuar, është duke bërë në mënyrë të pabesueshme xhiro nëpër internet. Ai ka shërbyer si shkas për një fushatë degraduese në kohën kur Kombëtares kuqezi i nevojitet më shumë se kurrë përkrahja e shqiptarëve. Shi për këtë, Federata Shqiptare e Futbollit ka reaguar, duke sqaruar se bëhet fjalë për një profil fals që mban emrin e mesfushorit të Zvicrës. “FSHF shpreh keqardhjen që në ketë moment fantastik të historisë së futbollit tonë që po e jetojmë të gjithë se bashku fale djemve të Kombëtares, trajnerit dhe ekipit drejtues të FSHF, një profil fallco ne facebook dhe një status i rreme i Xherdan Shaqirit marrin jehone përmes portalesh të caktuara duke dëmtuar imazhin e FSHF. Ne vlerësojmë çdo pikëpamje kritike mbi punën dhe nuk mund t’i heqim të drejtën askujt që të mendoje se Kombëtarja duhet të fitoje çdo ndeshje dhe uron qe fallcitetet e profileve të rreme në facebook te mos përfshihen në debatin e shëndetshëm pasi dëmtojnë rende Kombëtaren në ketë moment historik. FSHF u është mirënjohëse të gjithë lojtareve të Kombëtares për përkushtimin e tyre maksimal dhe pavarësisht fjalëve qe i merr era, ka bërë e do te beje vetëm një politike: Dyer të hapura për këdo sipas meritës!”, përfundon reagimi Federatës Shqiptare të Futbollit.
