Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të nderuar qytetarë, familja e Heroit të Kosovës, Mentor Ramadan Ibriqi, ka kënaqësinë dhe nderin t’ju ftojë të merrni pjesë në ceremoninë solemne të zbulimit të shtatores së tij. Ky moment i veçantë do të mbahet më 18 gusht 2024, duke filluar nga ora 11:00, në Komoran, në lagjen Ibriqi.
Mentor Ramadan Ibriqi ishte njëri ndër bijtë më të ndritur të këtij kombi, i cili dha jetën e tij në luftën e lavdishme të UÇK-së. Me përkushtimin dhe trimërinë e tij, ai u bë një shembull i pashlyeshëm për brezat e ardhshëm dhe një simbol i rezistencës heroike të Ushtrisë Çlirimtare të Kosovës.
Zbulimi i kësaj shtatoreje përkujton sakrificën e tij të pamasë dhe përçon vlerat e lirisë, dinjitetit dhe guximit që ai dhe bashkëluftëtarët e tij e dëshmuan me veprat e tyre. Ky akt nderon gjakun e derdhur për lirinë e vendit tonë dhe kontribuon në ruajtjen e kujtesës historike të popullit shqiptar.
Pjesëmarrja juaj në këtë ceremoni do të jetë një shenjë respekti dhe mirënjohjeje për Mentor Ibriqin dhe të gjithë dëshmorët e kombit, të cilët dhanë gjithçka për atdheun tonë. Në këtë ditë të rëndësishme, së bashku, ne do të përkujtojmë dhe nderojmë një nga heronjtë më të shquar të Kosovës.
Ju presim me respekt të thellë,
Familja Ibriqi
