Ftesë Publike për zgjedhjen dhe zëvendësimin e anëtarit/es të Këshillit të fshatit Hoçë e Madhe

01/10/2020 Institucionet

Në bazë të nenit 51.12 të Ligjit për Vetëqeverisje Lokale të Kosovës 03/L-040, nenit 4 pika 2 të Ligjit për Hoçën e Madhe të komunës së Rahovecit, nenit 3 të Udhëzimit Administrativ nr. 11/2014 për themelimin, zgjedhjen, përgjegjësitë dhe funksionimin e Këshillit për fshatin Hoçë e Madhe dhe Vendimit 01 Nr.1031 për themelimin e Këshillit të fshatit Hoçë e Madhe,  Kuvendi i Komunës së Rahovecit, shpall këtë:

Ftesë Publike

Për zgjedhjen dhe zëvendësimin e anëtarit/es të Këshillit të fshatit Hoçë e Madhe. Këshilli i fshatit Hoçë e Madhe përbëhet prej 5 anëtarëve, gjegjësisht 2 qytetarë të Komunës së Rahovecit – shqiptar; 2 banorë të fshatit Hoçë e Madhe dhe një nga Kisha Ortodokse Serbe, i cili duhet të jetë banor i fshatit Hoçë e Madhe. Përgjegjësitë e Këshillit, ndër të tjera, kanë të bëjnë me mbrojtjen, ruajtjen dhe promovimin e trashëgimisë fetare dhe kulturore si dhe planifikimi hapësinor dhe rural të fshatit Hoçë e Madhe. Ftohen të interesuarit që të konkurrojnë për  anëtarë/e të Këshillit të fshatit Hoçë e Madhe. Preferohet që aplikantët të kenë përvojë në lëmitë vijuese:

Ruajtjen, zhvillimin dhe promovimin e trashëgimisë kulturore të fshatit Hoçë e Madhe, si dhe të komunës së Rahovecit në tërësi, Gjithashtu, preferohet që anëtari/ja e Këshillit të kenë kualifikime relevante-superiore siç janë: arkitektë, historianë, arkeologë, gjeografë ose pjesëtarë të OJQ-ve të ndryshme të cilat mirën me njohjen dhe promovimin e trashëgimisë kulturore. Aplikacionet, që përbëhen nga kërkesa, CV-n dhe dëshmitë për përvojën tuaj në lëmit  e theksuara më lartë,  duhet  t’i dorëzoni në Zyrën e pranimit të KK-së,  duke cekur për Kryesuesin e Kuvendit të Komunës së Rahovecit. Ftesa mbetet e hapur 15 ditë nga dita e publikimit të saj ne veb.faqen zyrtare te komunës si dhe në mjetet e informimit. Aplikacionet e dorëzuara pas afatit, respektivisht pas datës 15 tetor 2020, nuk do të merren në shqyrtim.

Kontrolloni gjithashtu

Kryetari Agim Aliu priti në takime ndaras disa nga kandidatët për deputet nga radhët e PDK-së

Kryetari i komunës së Ferizajt, z. Agim Aliu në kuadër të aktiviteteve të rregullta ditore …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara