leoni

Furnizimi me ujë të pijshëm prioritet i lartë i Komunës së Skenderajt

25/10/2016 Institucionet

Rritja e kapacitetit të ujit të pijshëm në stacionet e pompimit, në kuadër të bashkëfinancimit nga Lux Dev dhe Komuna e Skenderajt ka bërë që Nënkryetari i Komunës së Skenderajt Fadil Nura të emëroj Komisionin e përbashkët më qëllim të inspektimit, vlerësimit dhe pranimit të ujësjellësit të fshatit Polac.

Këtë Komision e ka takuar Nënkryetari Nura. Më këtë rast z. Nura e ka sugjeruar Komisionin që me ritme të shpejta të bëjë inspektimin, vlerësimin dhe pranimin e këtij projekti nga Kompania Rajonale e Ujësjellësit Mitrovica, pasi banorët e Polacit kanë shumë nevojë për ujë.

Nënkryetari Nura deklaroi edhe një herë se furnizimi i qytetarëve me ujë të pijshëm është prioritet i lartë i udhëheqjes komunale të Skenderajt.

Ai më këtë rast është shprehur i kënaqur me bashkëpunimin e komunës me Lux Dev në rritjen e kapacitetit të ujit të pijshëm në stacionet e pompimit, gjë që do të mundësoj furnizimin me ujë për fshatin Polac.

Kryeshefi ekzekutiv i Kompanisë Rajonale të Ujësjellësit Mitrovica Sami Miftari e informoi z. Nura me rritjen e kapacitetit të ujit gjë që do të mundësoj zgjerimin e rrjetit furnizues në fshatra dhe vendbanime.

Në vazhdën e bashkëpunimit dhe bashkëfinancimit në mes Komunës së Skenderajt dhe Lux Dev shumë shpejt pritet të nisin punimet edhe në rrjetin e ujësjellësit në fshatin Kryshec.

Ndërkohë Komuna e Skenderajt bashkë me CDI-në zvicerane është duke vazhduar projektin e shtrirjes së rrjetit të ujësjellësit në 12 fshatra të Skenderajt.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara