Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Veterani i UÇK-së dhe luftëtari i lirisë, Nasim Haradinaj nga Shoqata e Veteranëve të UÇK-së ka qenë i ftuar në Debat në TV-Dukagjin ku është diskutuar për Gjykatën Speciale dhe ku ka kundërshtuar fuqishëm dhënien e kompetencave Gjykatës Speciale, lidhur me vrasjet e pasluftës në Kosovë. “Nuk them të mos merremi me to, por ku po e din ti që ato kanë qenë vrasje politike, ti po i jap një krah. Ato mund të jenë politike brenda sojit të vetë, i ka thënë Haradinaj, gazetarit gjatë debatit. Më pas gjatë një replike Haradinaj thuhet se ka thënë: “Punë e madhe që janë vra të LDK-së”. Fjali e fundit e Nasim Haradinajt e thënë në nervozë gjatë debatit, me përpjekje për linçimin e tij e të luftës së UÇK-së, kanë mjaftuar që sot të fillojë një fushatë e egër, linçuese dhe e pashënuar ndonjëherë për nga arroganca, në disa medie me sharjet e fyerjet e disa prej familjarëve, të cilët pretndojnë se UÇK-ja u ka vrarë më të dashurit e tyre, edhe pse deri tani nuk është paditur askush dhe as është ngritur ndonjë akuzë në gjykatat e Kosovës, të UNMIK-ut apo të EULEX-it.
Ky disponim në rritje kundër UÇK-së, brohoritja e Adriatik Kelmendit, djalit të ish prokurorit të kohës së Serbisë, se po vjen Epoka heroike e Gjykatës Speciale, kjo shëmti e paragjykuar ka nxjerrë në sipërfaqe një çoroditje mazohiste kundër luftës së UÇK-së, kundër veteranëve e invalidëve dhe kundër ish kreut të luftës.
