Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Ganimete Musliu tha se deputetët e Lëvizjes Vetëvendosje kanë dëshmuar se janë të papërgjegjshëm dhe abuzues me besimin që morën nga qytetarët e Kosovës. Ajo tha se tendenca kryesore e pushtetit aktual është eliminimi i kontrollit parlamentar demokratik. Derisa foli për rastin e ndarjes së subvencioneve nga Ministria Bujqësisë, Ganimete Musliu tha se anëtarja e Komisionit për Mjedis dhe Bujqësi, Fitore Pacolli e vendosi servilizmin dhe përfitimet familjare mbi ligjin dhe përgjegjësinë e saj. Ajo e ka quajtur Fitore Pacollin marionetë të pushtetit, për çka kritikoi të njëjtën për mos ftesë të ministrit të Bujqësisë, Faton Peci dhe atë të Mjedisit, Liburn Aliu në komisionin që ajo drejton. Ndër të tjera, deputetja e PDK-së, Ganimete Musliu tha se përveç Pacollit, as ministrat siç i quan ajo abuziv e as kryeministri i Kosovës, Albin Kurti nuk mund të jenë komod, sepse sipas saj duhet dhënë llogari para qytetarëve për çdo veprim.
