Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e Komisionit për Mbikëqyrjen e Agjencisë së Kosovës për Inteligjencë, Ganimete Musliu, ka thënë se gjendja në veri të vendit është e qetë, por me mundësi të përshkallëzimit të situatës. Pas mbledhjes së komisionit në të cilën ka raportuar drejtori i AKI-së, Petrit Ajeti, në një konferencë për medie, ajo ka theksuar se institucionet e vendit janë në krye të detyrës dhe janë të gatshme për çdo provokim të mundshëm në bazë të rrethanave të krijuara. Sot e kishim në raportim rreth gjendjes së krijuar në veriun e Kosovës, drejtorin e Agjencisë për Inteligjencë të Kosovës, Petrit Ajeti, me të cilin diskutuam gjerë e gjatë dhe u informuam për gjendjen në veri. Sa i përket gjendjes së sigurisë mund të konstatojmë se aktualisht është e qetë, por gjithmonë me mundësi të përshkallëzimit. Prandaj, institucionet e sigurisë së vendit janë në krye të detyrës dhe janë të gatshëm për çdo provokim të mundshëm në bazë të rrethanave të krijuara”, ka thënë deputetja e PDK-së, Ganimete Musliu.
