Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deklaratat e kryeministrit të Kosovës, Albin Kurti, ndaj opozitës, ku i quajti “hajvana”, kanë tërhequr vëmendjen e mediave ndërkombëtare. Fainenshel Times, në një analizë për situatën politike në Kosovë pas zgjedhjeve, thekson gjuhën e ashpër të Kurtit dhe shpjegon për audiencën e saj kuptimin e fjalës “hajvan”, duke e përkufizuar si një term nënçmues për kafshë. Mediumi britanik vëren se Kurti, megjithëse fitoi mbi 40% të votave, nuk siguroi shumicën parlamentare dhe do të duhet të kërkojë një partner koalicioni. Artikulli citon gjithashtu reagimet e opozitës, përfshirë kandidatin e PDK-së për kryeministër, Bedri Hamza, i cili ka përjashtuar çdo mundësi bashkëpunimi me Vetëvendosjen. Ekspertët ndërkombëtarë, si Edward Joseph e të tjerë theksojnë rëndësinë e ruajtjes së marrëdhënieve me Perëndimin. Me retorikën e tij të fundit, Financial Times sugjeron se Kurti po ndjek një qasje polarizuese, duke e bërë të paqartë rrugën drejt konsensusit politik në Kosovë.
