Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar e përshkruar zhvillimet e fundit në Kuvendin e Kosovës dhe hedhjen e gazit lotsjellës si mjet për të kundërshtuar Qeverinë, gazeta “Indipendent” qeverinë e Isa Mustafës e quan regjim policor. Analistët kanë vlerësuar se kjo është hera e parë që një gazetë me autoritet ndërkombëtar Qeverinë e Kosovës e quan regjim. Gazeta përshkruan sesi zyrtarët policorë hyrën brenda sallës dhe nxorën jashtë deputetët, pasi u ndërpre puna e Kuvendit si pasojë e shpërndarjes së gazit. Disa kanistra u shpërthyen në Kuvend, si pjesë e protestës së opozitës kundër korrupsionit, papunësisë dhe marrëveshjeve diplomatike me Serbinë dhe Malin e Zi. Nuk është kjo hera e parë që opozita përdor lotsjellësin, thuhet më tej në komentin e kësaj gazet, duke ilustruar me fakte se Kosova vazhdon të jetë shtet i i varfër me papunësinë gjithnjë në rritje. Shteti, po ashtu, ka provuar t’i bashkohet OKB-së vazhdimisht, mirëpo është bllokuar nga Rusia në mënyrë të përsëritur, shkruan mes tjerash “Indipendent”.
