Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazetari i RTSH-së gjatë luftës, Nuhi Bytyçi, ka marrë ftesë zyrtare nga Gjykata Speciale në Hagë për të dëshmuar në procesin kundër krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi. Nuhi Bytyçi. ka deklaruar se ashtu si edhe në vitin 2019, kur kam dhënë dëshminë time, për të cilën e kam njoftuar opinionin publik, edhe kësaj radhe kam shprehur gatishmërinë për të thënë të vërtetën e veprimtarisë sime si gazetar gjatë luftës së lavdishme të Ushtrisë Çlirimtare të Kosovës. Bytyçi thotë se ndihet krenar me veprimtarinë e tij në shërbim të informimit të mirëfilltë për luftën e drejtë të Ushtrisë Çlirimtare të Kosovës, e cila simbolizon sakrificën sublime dhe mbijetesën e popullit, dhe që është lufta vendimtare për çlirimin dhe pavarësimin e Kosovës. Dëshmia ime në Hagë, ashtu si çdo herë do të jetë në shërbim të së vërtetës së luftës çlirimtare të UÇK-së, të argumentimit të sakrificës së luftëtarëve të lirisë dhe mbështetjes së popullatës civile dhënë UÇK-së, të cilën unë dhe shumë kolegë të mi gazetarë e kemi prezantuar në mënyrë profesionale në ekranet televizive në mediat vendore dhe ato ndërkombëtare gjatë periudhës së luftës çlirimtare,” ka thënë gazetari i RTSH-së gjatë luftës, Nuhi Bytyçi. Ndërkohë, seanca e radhës në rastin kundër krerëve të UÇK-së Hashim Thaçi, Kadri Veseli, Rexhep Selimi dhe Jakup Krasniqi në Hagë do të mbahet sot nga ora 9:00 deri në 16:30.
