Genc Metaj pritet të emërohet drejtor i Agjencisë për Menaxhimin e Emergjencave. Metaj, i cili aktualisht kryeson listën e kandidatëve, ka grumbulluar 88 pikë nga testi me gojë dhe me shkrim, duke u renditur mbi Kastriot Lajqin me 73.4 pikë. Metaj, i cili është vëllai i deputetes së Lëvizjes Vetëvendosje, Shqipe Metaj-Isufi, ende nuk është emëruar përfundimisht në këtë pozitë, për shkak të ankesave të bëra nga kandidatët e tjerë në Këshillin Mbikëqyrës Civil. Pavarësisht përgatitjes së tij profesionale, kritikat kanë qenë të pranishme, duke kujtuar që Vetëvendosje, kur ishte në opozitë, akuzonte partitë në pushtet për “kapjen e shtetit” për emërimet e figurave të afërta me partinë. Pozita e drejtorit të Agjencisë për Menaxhimin e Emergjencave ka qenë më parë e udhëhequr nga Fadil Kodra, i cili u shkarkua dhe më pas rifitoi pozitën e tij përmes betejave juridike, por refuzoi të vazhdojë shërbimin nën qeverinë aktuale.
Kontrolloni gjithashtu
Jens Stoltenberg ka kërkuar nga vendet anëtare të Aleancës të jenë unike dhe të gatshme në përballje me Rusinë
Në një fjalë lamtumire që shënoi përfundimin e një dekade në krye të NATO-s, Jens …