Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Iniciativa Evropiane për Stabilitet shpreh optimizmin e tij për anëtarësimin e Kosovës në Këshillin e Evropës. Gerald Knaus nga kjo Iniciativë theksoi se momenti i Strasburgut është shumë i rëndësishëm, pasi do të votohet për anëtarësimin e Kosovës në Këshillin e Evropës. Knaus tha se Kosova ka pritur shumë për këtë moment dhe është inkurajuar nga votat e rëndësishme në Asamblenë e Parisit një javë më parë. Gjatë një deklarate për media, ai theksoi se ka arsye për të qenë optimist se demokracia e fundit evropiane që nuk është ende në Këshillin e Evropës do t’i bashkohet së shpejti, në interes të të drejtave të njeriut të të gjithëve.” Ai gjithashtu shtoi se anëtarësimi i Kosovës në Këshill do të siguronte mbrojtjen edhe për serbët e Kosovës për të pasur qasje në Gjykatën për të Drejtat e Njeriut dhe do të sjellë njohje e statusit të demokracisë multietnike.
