Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sipas një raporti të publikuar nga organizata GERMIN, bëhet e ditur se vetëm gjatë vitit të kaluar remitencat në Kosovë kanë arritur mbi një miliard euro. GERMIN ka realizuar një raport lidhur me remitencat dhe ndikimin e tyre në stabilitetin ekonomik të vendit, ndërsa sipas tyre, diaspora e Kosovës vlerësohet të jetë shumë e madhe në krahasim me numrin total të qytetarëve të Kosovës. “Numrat mund të mos jenë krejt të saktë, por në përgjithësi diaspora e Kosovës kalon diku mbi 900.000 persona. Shumica e kosovarëve jashtë vendit jetojnë në Gjermani (39%), Zvicër (23%), Austri (7%), Itali (7%), Suedi (5%) Mbretëri të Bashkuar (5%), Shtetet e Bashkuara të Amerikës (3.5%), Kroaci, Francë, Kanada (nga 2% secila)”, thuhet në raport. Në bazë të dhënave nga Banka Qendrore, mësohet se ka pasur rritje të vazhdueshme të remitencave që nga viti 2011 kur ato ishin 500 milionë, ndërsa vitin e kaluar kaluan mbi 1 miliardë euro, ku pjesa më e madhe e tyre vinë nga Gjermania dhe Zvicra. “Remitencat në Kosovë paraqesin kategorinë më të lartë të të hyrave dytësore, kjo bazuar edhe në numrin e madh të mërgimtarëve të cilët jetojnë në shtete të ndryshme por që nuk kanë shkëputur kontaktet me vendin amë. Në bazë të të dhënave të publikuara nga Banka Qendrore, trajektorja e remitencave tregon një rritje të vazhdueshme ndër vite. Në vitin 2021 janë pranuar më shumë se 1 miliard euro ndërsa në vitin 2011 ishin më pak se 500 milion euro”.
