Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata joqeveritare, “Germin” ka reaguar ndaj verifikimit që po ia bën Komisioni Qendror i Zgjedhjeve aplikimit për votim nga diaspora përmes telefonit cenon të drejtën e votës për diasporën. Kjo organizatë joqeveritare këtë verifikim të KQZ përmes telefonit, e ka quajtur cenim të së drejtës për votë të diasporës. Komisioni Qendror i Zgjedhjeve ka filluar verifikimin përmes telefonit të aplikuesve për regjistrim për votim nga jashtë vendit me telefonata që paraqiten ‘ANONIME’ në telefonat e aplikuesve. Këtë gjë na e konfirmojnë raportimet e bashkatdhetarëve tanë, siç mund të shihet në fotot e mëposhtme. Sikur të mos mjaftonte vendimi i padrejtë e kundër kushtetues i KQZ-së, zbatimi i tij është skandaloz. Kërkojmë nga KQZ ta ndaloj menjëherë këtë proces që cenon seriozisht të drejtën e votës për pjesëtarët e diasporës, thuhet në reagimin e OJQ “Germin”.
