Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gernot Blumel, ministër federal i Austrisë për çështjet e Bashkimit Evropian, ka lënë të enjten në Prishtinë porosinë se, për shtetin që ai përfaqëson, është e pranueshme secila zgjidhje paqësore që mbërrihet ndërmjet autoriteteve të Kosovës dhe Serbisë. Por midis zgjidhjeve të mundshme ai nuk e ka përjashtuar as ndryshimin e kufijve. Nga korriku, Austria e ka marrë presidencën e BE-së dhe, mes çështjeve që i ka prioritizuar, është edhe stabiliteti në rajon. E vendet më të fuqishme të Evropës, sikur është Gjermania e Britania e Madhe, kanë dalë kundër idesë së negocimit të kufijve ndërmjet Kosovës dhe Serbisë, pikërisht nga frika se një marrëveshje për këtë do ta destabilizonte rajonin.
